Руските власти вчера објавија дека пет дронови биле соборени во поширокото Московско подрачје и дека поради тоа била нарушена работата на меѓународниот аеродром „Внуково“ во близина на главниот град и ја обвинија Украина за „терористички чин“, пренесува АФП.
Четири беспилотни летала се уништени од противвоздушната одбрана во близина на Москва, а петтата била неутрализирана со „систем за електронско војување“ и паднала во регионот на Суб-Москва, се наведува во соопштението на Министерството за одбрана.
Во нападот нема жртви или материјална штета, пренесува Бета.
Градоначалникот на Москва, Сергеј Собјанин изјави дека руските сили го одбиле денешниот обид за напад на украински беспилотни летала на Нова Москва и Подмосковље, пренесува Танјуг.
Што се однесува до ситуацијата на украинското бојно поле, Киев тврди дека Русија распоредила повеќе од 180.000 нови војници на двата главни источни фронта.
„Повеќе од 180.000 припадници на руските трупи се распоредени во областа на одговорност на Источната група сили, на Лиманско-купјанскиот фронт. Овој фронт е подолг, поради што непријателот таму ги концентрира силите“, изјави Серхи Черевати, портпарол на источната група на украинските вооружени сили, пренесува Си-Ен-Ен.
Тој рече дека новото распоредување на армијата вклучувало „воздушни и механизирани единици, резервни единици, територијални сили и нови јуришни компании „Бура З“, кои, како што рече, регрутираат лица со криминални досиеја.
Градовите Лиман и Купјанск се наоѓаат на околу 100 километри северно од Бахмут на источниот фронт на Украина. Череватии рече дека има околу 50.000 руски војници на фронтот кај Бахмут.
Сите информации поврзани со најновите случувања со војната во Украина можете да ги прочитате ТУКА.