Времето денеска во Македонија ќе биде променливо облачно и нестабилно со пороен дожд, грмежи и засилен ветер, информираат од Управата за хидрометеоролошки работи.
Локално процесите ќе бидат поинтензивни во форма на невреме со пообилен пороен дожд за кратко време, чести електрични празнења, силен ветер и услови за појава на град.
Минималната температура ќе биде во интервал од 13 до 20, а максималната ќе достигне од 27 до 35 степени. УВ индексот ќе биде висок со коефициент седум.
Во Куманово и околината денеска ќе имаме променливо облачно време со услови за нестабилност во попладневните часови проследено со врнежи од дожд и електрични празнења. Температурата во утринските часови ќе се движи околу 17 степени, додека максималната дневна се очекува да достигне 28 степени целзиусови.
Слично време во кумановско ќе имаме и утре кога повторно во попладневните часови се очекува нестабилност. Температурата ќе остане иста како денешната.
Во среда конечно ќе престанат врнежите. Ќе имаме сончево до умерено облачно време, а температурата ќе се движи од 14 степени во утринските часови до максимални 26 во текот на денот.
Делумно сончево време ќе имаме и в четврток, кога максималната температура се очекува да достигне до 28 степени целзиусови.
Петок носи претежно сончево време. температурата во утринските часови ќе изнесува 16 степени, а максималната дневна ќе достигне до 29 степени целзиусови.
Претстојниот викенд ќе имаме пријатно и топло време.
Во сабота ќе имаме сончево до умерено облачно време со температура од минимални 16 до максимални 31 степен.
Слично ќе биде и в недела кога температурата ќе достигне до 32 степени целзиусови.
Почетокот на следната работна недела повторно носи раст на температурите.
Никола Ивановски