Др. Шон Керол е професор по физика на престижниот калифорниски институт за технологија.
Својот живот го посветил на проучување на законите на физиката и неодамна го споделил своето знаење со колегите во научен труд.
„Секаков облик на живот после смртта не е возможен. Тоа ѝ пркоси на науката“, пишува Дејли Стар.
– Законите на универзумот едноставно не ни дозволуваат да ја одвоиме нашата свест од телото по смртта. Сè во нашиот свет може да се објасни со науката и законите на физиката – напиша тој во магазинот „Сајентифик Американ“ и веднаш продолжи:
– Тврдењата дека некоја форма на нашата свест може да ја преживее физичката смрт и падот на телото се во спротивност со сè што знаеме. Не постои начин информациите, емоциите … и другите работи складирани во нашите умови да „продолжат понатаму“. Верувањето во животот после смртта, најблаго кажано, бара постоење на сосема различни природни закони од оние што ни се познати. Откако научниот свет ќе ја прифати оваа теза, тогаш можеме правилно да истражиме како функционира човечката свест, рече Керол.
Веднаш штом излезе објавата, предизвика лавина од коментари. Кои се доста поделени.
Од една страна, имаме еден куп оние кои му честитаа на докторот за неговата храброст и рекоа дека прифаќањето на овој факт е единствениот начин на кој луѓето можат да напредуваат, меѓутоа, има многу кои, најблаго речено, не се задоволни.
– Не можеме се да објасниме со помош на науката. Луѓето кои мислат така не разбираат дека животот е чудо. Според нив, ние сме само кластер од атоми што еден ден ќе престане да постои. Одбивам да ја прифатам таа етикета – напишала една навредена госпоѓа.
Еден господин, исто така, се јави, тврдејќи дека бил мозочно мртов пет минути.
– Ја гледам светлината, го видов рајот, видов драги луѓе кои веќе не се живи. Како може науката да го објасни тоа – напиша тој.