Научниците дошле до ненадејно откритие по промените во температурата на Нептун во текот на 17 години.
Имено, нивните модели предвидуваа дека во текот на почетокот на летото на јужната хемисфера на планетата температурите благо ќе пораснат, а не да паѓаат.
Екипажот на првата целосно приватна мисија слета на Меѓународната вселенска станица
Разликите биле толку драстични што научниците сè уште немаат добро објаснување за нив. Тие шпекулираат дека тоа може да се должи на хемискиот состав на планетите, временските обрасци или промените на Сонцето. Тие се надеваат дека натамошните набљудувања ќе дадат одговор на ова прашање.
Како и Земјата, Нептун има сезони кои се менуваат додека орбитира околу Сонцето. Но, овие сезони траат многу подолго – до 40 години – бидејќи на Нептун му требаат 165 Земјини години за да орбитира околу нашата матична ѕвезда.
Научниците беа заинтересирани за тоа како се случуваат овие промени, особено за време на летната краткоденица на југот на Нептун. За да ги следат, користеле близу 100 термални слики од таа планета.
Така тие откриле дека повеќето планети се оладиле, иако летото пристигнало, така што Јужниот пол повторно ќе почне да се загрева.
Помеѓу 2003 и 2018 година просечната температура се намали за осум степени Целзиусови, по што се загреа за 11 степени на Јужниот пол помеѓу 2018 и 2020 година. Научниците очекуваа многу попостепена промена, пишува Independent.
Резултатите од студијата се објавени во написот Sub-seasonal Variation in Neptune’s Mid-Infrared Emission во The Planetary Science Journal.