Првата мисија на програмата на Американската вселенска агенција (НАСА) за враќање на луѓето на Месечината е одложена најрано до пролет, соопшти агенцијата, наведувајќи дека и треба повеќе време за да се завршат безбедносните проверки, пренесува АФП.
Тестирањето на системот, закажано за февруари, се очекува да се одржи во март во вселенскиот центар Кенеди во Флорида, соопшти НАСА.
За овој тест, ракетата ќе биде преместена во лансирната рампа, ќе се наполни гориво и ќе биде лансирана низа од операции за лансирање.
Тој тест потоа ќе и помогне на американската вселенска агенција да го одреди вистинскиот датум на лансирање.
„Нема специфичен проблем што предизвика дополнителни одложувања“, им рече на новинарите Том Витмајер, заменик директор за развој на системи за истражување во седиштето на НАСА.
„Може да биде нешто едноставно како гребнатинка што треба да се полира или некоја боја што треба да се поправи. Само што е многу – тоа е навистина големо летало“, додаде тој.
Пред неколку месеци американската влада објави дека мисијата Артемис I најверојатно ќе биде реализирана во летото 2022 година, пренесува Хина.