Британското Министерство за одбрана објави нов извештај за ситуацијата во Украина.
Денеска се осврна на состојбата во Бахмут, град во кој со месеци се водат жестоки борби.
Британците тврдат дека Русите пренасочиле уште некои сили кон Донбас.
„Тешките борби продолжуваат долж Донбас. Сепак, постои реална можност Русија да го намали бројот на војници и напади околу градот Доњецк, најверојатно со цел да ги пренасочи ресурсите кон Бахмут“, пишуваат Британците.
Што се однесува до самиот Бахмут, Британците велат дека моментално таму има два главни фронта. Според Британците, руската армија и Вагнер имаат „притаен напредок“.
„Линијата на фронтот во центарот на градот во голема мера ја следи главната железничка линија. Украина генерално ги задржува руските сили од југ по линијата на улицата Корсунсково, стариот главен пат западно од градот“, пишуваат Британците.
Сите информации поврзани со најновите случувања со војната во Украина можете да ги прочитате ТУКА.