Енигматичната стартап компанија „Неуралинк“ на ексцентричниот американски милијардер Илон Маск реши да го стори она што досега можевме да го видиме само во филмовите од научна фантастика, и секогаш со не многу среќен исход, а тоа е директно поврзување на човечкиот мозок со компјутерот и интернетот.
Маск, кој е сопственик на неколку футуристички компании за технологија како „Тесла“ и „Спејс екс“, објави претходно дека крајната цел на „Неуралинк“ е да му овозможи на човештвото да постигне „еден вид симбиоза со вештачка интелигенција“.
Бидејќи Маск е познат по, благо речено, луди идеи за кои некои веруваат дека го одвлекува вниманието на јавноста од деловните проблеми на неговата компанија за производство на електрични автомобили, немаше многумина што го сфатија најновиот проект премногу сериозно.
Сепак, „Неуралинк“ закажа пренос во живо на интернет за почетокот на овој викенд, кој требаше да се одржи ноќта помеѓу петок и сабота, а неговата цел е да ги претстави најновите достигнувања на оваа компанија.
– Ќе покажеме како невроните се испалуваат во реално време на 28 август. Матрица во матрица – напиша Маск на Твитер во текот на изминатата недела.
Иако се очекуваше ваквите планови на Маск да предизвикаат општо спротивставување на јавноста, неговите приврзаници на Твитер се нудат себеси за овој експеримент, па еден од корисниците на оваа социјална мрежа напиша: „Земи ми го мозокот, Илон“.
Друг корисник, на Твитер објави: „Каде можам да се жртвувам во име на науката?“
Познато е дека се жртвувани бројни стаорци и мајмуни со вградување на 1.500 електроди во името на науката, по што е проценето дека може да се пренесе и на луѓето.
Маск е познат по своите бомбастични тврдења на Твитер, па на почетокот на овој месец тој објави дека „вонземјаните очигледно ги изградиле пирамидите“ во Египет, а претходно посочи дека нуклеарните ракети ќе ја бомбардираат површината на Марс за да создадат вештачка атмосфера слична на онаа на Земјата.
Сепак, тој постигна и сериозни потфати, па неговата компанија „Спејс екс“, по повеќе од една деценија зависност од руската вселенска програма и космодромот Бајконур, успеа да испрати американски астронаути со ракета од територијата на САД.
Маск минатата година објави дека ќе го всади чипот кај човечки пациент до крајот на истата година, со цел да им помогне на луѓето кои имаат повреди на мозокот и ‘рбетниот мозок, како што се вродени оштетувања, но тоа не се случи.
Сега Маск најави воведување на „работен уред“, за кој светските медиуми велат дека е еден вид робот способен да направи минијатурни дупки во черепот со ласер низ кој минува низ она што „Невралинк“ го нарекува „конци“, жици потенки од човечката коса со кои тенки електроди се вметнуваат во мозокот, а потоа сè е поврзано со уред поставен зад увото на пациентот.