Постојат големи шанси луѓето да поминат повеќе време надвор оваа зима. Ограничувањата поврзани со собирите, одење во кафулиња и ресторани, како и многу други, сè уште се на сила, така што тие немаат многу начини за забава.
Но, многумина се грижат дали можат да настинат само благодарение на долгиот престој во студено време?
Одговорот е не. Но, сепак, постои врска помеѓу настинката и вирусот.
„Ние со право ја нарекуваме сезона на настинка и грип“, рече др. Бенџамин Сингер, специјалист за белодробни заболувања во северозападната меморијална болница во Чикаго.
„Риновирусите, кои се едни од главните причини за настинка, се развиваат кон крајот на есента и почетокот на зимата, а грипот се шири на средина и на крајот на зимата“, објаснува тој.
Но, не е виновен само студот.
„Респираторните вируси имаат тенденција да се шират многу побрзо во текот на зимските месеци, и многу од нив немаат врска со температурата, туку со луѓето кои се во затворен простор и се во ситуации погодни за ширење на вирусот“, рече др. Даниел Грифин, специјалист за заразни болести од Њујорк.
Празниците се исто така важен фактор
Имено, Грифин рече дека ненадејното ширење на вирусот по американскиот Денот на благодарноста и Божиќ е толку предвидливо што лекарите го прават својот распоред соодветно.
И, ако нема зголемување на бројот на заболени од грип, тогаш тие очекуваат тоа да се случи наскоро по пролетните празници во март и април, рече тој.
Еден од проблемите лежи во недостаток на сонце.
„Знаеме дека ултравиолетовата светлина може да помогне во уништување на вирусот, но во зима деновите се пократки, имаме помалку сонце“, рече Грифин.
Секако, поради помалото изложување на сонце, на луѓето уште повеќе им недостасува витамин Д во зима, што влијае на имунитетот.
