Полицијата вчера открила 15 мигранти во поранешна фарма во атарот на кумановското село Речица. Двајца од мигрантите се сомничат дека ги шверцувале останатите.
– На 06.02.2022 во 13.40 часот на исклучувањето за с.Речица, кумановско, на автопатот Куманово-Табановце, во објекти на поранешна фарма, полициски службеници од Национална единица за спречување на криумчарење на мигранти и трговија со луѓе пронашле 15 мигранти, информираат од Министерството за внатрешни работи.
Двајца од мигрантите биле приведени поради сомнение дека се организатори, односно дека вршат криумчарење.
– Тие биле предадени на полициски службеници од СВР Куманово за понатамошна постапка. Останатите лица се сместени во Прифатниот центар за странци во Скопје и во прифатниот центар во Табановце, додаваат од МВР.
Како што појаснуваат оттаму, за настанот бил известен Јавен обвинител и по целосно документирање ќе биде поднесен соодветен поднесок.
Никола Ивановски