Неименуван украински војник од линијата на фронтот во градот Соледар на истокот на земјата за Си-Ен-Ен изјавил дека ситуацијата е „критична“ и дека бројот на загинати сега е толку голем што „никој не ги брои мртвите“.
Тој е припадник на 46-та воздухопловна бригада, која ја води борбата за задржување на Соледар, кој се соочува со голем напад на руската армија и платеници на паравоената формација Вагнер.
Си-Ен-Ен не го соопшти неговото име и презиме од безбедносни причини.
„Ситуацијата е критична. Многу тешко. Да се задржиме на последното“, рече војникот.
Тој го опиша динамичното бојно поле каде што куќите и зградите се менуваат секој ден, а единиците не можат да бидат во чекор со растечкиот број на загинати.
„Никој нема да ви каже колку мртви и ранети има. Затоа што никој не знае со сигурност. Никој“, рече тој.
„Ни во штаб не знаат. Никаде. Борбената линија постојано се менува. Она што денес беше наша куќа, следниот ден станува Вагнерова“.
Овој борец додаде дека од вторникот вечерта не е јасно колкав дел од градот држат Русите:
„Никој не може со сигурност да каже кој што земал и кој што држи, бидејќи никој не знае. Има огромна сива зона во градот за која сите тврдат дека ја контролираат, [но] тоа е само празен разговор“.
Украинците изгубија многу војници во Соледар, но редовите се пополнуваат додека продолжува битката за овој град за ископување сол.
„Работната сила на нашите единици е вратена речиси половина, повеќе или помалку. Немаме време ни да се сеќаваме на имиња [кога ќе пристигне новиот персонал]“, рече извор на Си-Ен-Ен.
Тој додаде дека верува оти украинското воено раководство на крајот ќе се откаже од борбата за Соледар и се прашува зошто тоа сѐ уште не го сториле.
„Сите разбираат дека градот ќе биде напуштен. Сите го разбираат тоа“, рече тој.
Само сакам да разберам што е поентата [во борбата за секоја куќа]. Зошто да умреме, ако денес или утре ќе го напуштиме градот?“
Во вторникот, неговата бригада на својот канал Телеграм објави дека ситуацијата во Соледр е „многу тешка, но и под контрола“.
Во своето ноќно обраќање, украинскиот претседател Володимир Зеленски им се заблагодари на војниците на бригадата „за нивната храброст и решителност во одбраната на Соледар“.
Сите информации поврзани со најновите случувања со војната во Украина можете да ги прочитате ТУКА.