Повеќе од сто кинески научници и истражувачи неодамна се состанаа на конференција во централниот кинески град Вухан за да разговараат за можностите за градење на Месечината, јавуваат кинеските медиуми.
Динг Лејун, експерт од Кинеската академија за инженерство, рече дека развиваат роботи наречени „кинески суперѕидари“ кои би можеле да произведуваат тули од лунарната почва, пишува Чанџијанг дејли.
„Тули на Месечината“
„Изградбата на живеалиште на Месечината е неопходна за долгорочни истражувања кои секако ќе се реализираат во иднина“, рече Динг, признавајќи ги краткорочните тешкотии со тој проект.
Роботот со задача да произведува „Месечеви тули“ ќе биде лансиран со кинеската мисија Chang’e-8 околу 2028 година, најави кинески експерт.
Тој додаде дека целта е да се донесе првиот примерок од почва од далечната страна на Месечината до 2025 година.
Кина претходно врати примерок од почва од блиската страна на Земјиниот сателит во мисијата Chang’e-5 во 2020 година.
Пекинг сака кинеските астронаути да поминуваат повеќе време на Месечината кога ќе воспостават база таму.