Јапонската влада ги повикува своите граѓани итно да ја напуштат територијата на Украина, изјави генералниот секретар на Владата Хироказу Мацуно.
– Ги повикуваме нашите сонародници кои се во Украина итно да ја напуштат нејзината територија. Што се однесува до ситуацијата со амбасадата (Јапонија), ќе преземеме соодветни мерки врз основа на ситуацијата во регионот и од гледна точка на заштита на нашите граѓани – нагласи Мацуно.
Според Министерството за надворешни работи на Јапонија, третиот степен на Украина ѝ бил доделен на четиристепената скала за проценка на ризик, што е еднакво на апелот да не се посети таа земја. Четвртиот степен подразбира неопходна евакуација.
Украинците „трупаат“ оружје
Разузнавачите на самопрогласената Луганска Народна Република открија оклопни возила на украинските сили во еден од градовите во близина на линијата за демаркација.
– Во зоната на одговорност на 79-та бригада на украинската армија, забележани се две пешадиски борбени возила во близина на населбата Шастје (која е оддалечена околу 25 километри од Луганск) – изјави портпаролот на Народната милиција на самопрогласената ЛНР.
Единиците на Народната милиција постојано ги следат акциите на украинската армија и се „по наредба на командата“ подготвени „оперативно да реагираат на промените во ситуацијата“.
Исто така, денеска беше објавено дека во регионот пристигнале екстремисти од „Десен сектор“ (организации забранети во Русија).
Самопрогласените ДНР и ЛНР постојано ја обвинуваат украинската армија за концентрирање на оклопни возила и забрането оружје во близина на линијата за демаркација во Донбас.
Во последно време, Западот ја обвинува Русија дека наводно подготвува инвазија на Украина и дека Москва значително го зголемува своето воено присуство во близина на границите на Украина.
Русија решително ги отфрла овие обвинувања како неосновани и опасни и нагласува дека ги преместува воените сили на своја територија во согласност со Уставот и дека Западот сето тоа го користи како изговор за натамошно проширување на Исток.