Џими Липерт Тајден, 42-годишен адвокат кој бил украден при раѓањето за време на владеењето на чилеанскиот диктатор Аугусто Пиноче и израснат во САД, патувал илјадници километри за да ја запознае својата биолошка мајка за прв пат.
„Таа не знаеше за мене бидејќи ме зедоа при раѓањето и ѝ рекле дека сум мртов“, рече Липерт Тајден во видеото на TikTok додека патуваше со авион за да се сретне со својата мајка.
„Кога го барала моето тело ѝ рекле дека го уништиле. Затоа никогаш не се прегрнавме“.
Шетајќи по улицата во родниот град на неговата мајка Валдивија, околу 740 километри јужно од главниот град на Чиле, со букет цвеќе во рака, Липерт Тајден со солзи во очите ја прегрна Марија Анџелика Гонзалес, неговата биолошка мајка и ѝ кажа дека ја сака.
Ројтерс пренесува дека тој пристигнал во Чиле со сопругата и двете ќерки, кои за прв пат ја запознале нивната баба.
Липерт Тејден беше повторно обединет со своето семејство благодарение на следењето на ДНК преку MyHeritage.com и Nos Buscamos, чилеанска невладина организација која помага да се обединат луѓето разделени за време на 17-годишната диктатура.
Илјадници луѓе исчезнаа, а десетици илјади беа мачени за време на владеењето на Пиноче, кое заврши во 1990 година.
Жената која го основала Nos Buscamos, Constanca del Río, се решила на тој чекор откако не можела да најде информации за своето биолошко семејство.
🌍 Şili’de bir anne, doğumdan sonra çalınan oğluna 42 yıl sonra kavuştu
➡ Şili’nin başkenti Santiago’da Maria Angelica Gonzalez, doğumun hemen ardından çalınıp evlatlık verilen oğlu Jimmy Lippert Thyden ile 42 yıl sonra buluştu. pic.twitter.com/gzWJe2F40k
— dokuz8haber (@dokuz8haber) August 28, 2023
Невладината организација вели дека успеала да им помогне на околу 400 луѓе да се обединат со своите семејства.
„Овој случај е еден од стотиците или илјадниците случаи на трговија со деца за време на диктатура и демократија“, рече Дел Рио.
„Овие деца беа прогласени за мртви и продадени на странци за 10.000 или 15.000 долари.“