Парламентот на израелскиот Кнесет усвои закон со кој се ограничуваат условите под кои премиерот на Израел може да биде разрешен.
Противниците на актуелниот премиер Бенјамин Нетанјаху велат дека законот има за цел да го заштити бидејќи му се суди за корупција во три случаи.
Законот е усвоен по жестока расправа која траеше цела ноќ, во второ и трето читање, со 61 глас за и 47 против, пренесува агенцијата Бета.
Законот го спречува највисокиот суд да му наложи на премиерот да си замине, што се гледа како реакција на загриженоста дека високиот суд би можел да му нареди на Нетанјаху да се повлече поради потенцијален конфликт на интереси додека тој ги надгледува напорите на коалицијата за спроведување на контроверзните судски реформи додека му се суди.
Нетанјаху е обвинет за измама, кршење на довербата и поткуп за наводно примање скапи подароци од богати поддржувачи и обид да добие поволна медиумска покриеност за себе и неговото семејство преку дослух. Тој негира дека направил нешто лошо.
Врз основа на законот за импичмент, три четвртини од владините министри или претставници можат да го принудат премиерот да земе привремено отсуство и тоа само поради психички и физички здравствени причини, пренесуваат израелските медиуми.
Забелешки на опозицијата
Опозицијата поднесе голем број приговори на нацрт-законот, а шефот на пратеничката група на конзервативниот Ликуд на Нетанјаху, Офир Кац, се согласи со опозицијата да ја ограничи расправата за законот на 16 часа.
Кац го бранеше предлог-законот, тврдејќи дека тој ќе донесе стабилност бидејќи ќе го отежне смената на премиерот против негова волја.
Опозицискиот лидер Јаир Лапид го осуди усвојувањето на законот, како и коалицијата, за која рече дека „како крадец во ноќта, усвои непристоен и корумпиран личен закон против неоснованите гласини за изземање“.
„Граѓаните на Израел, знајте, непосредно пред празникот (Пасха) и додека трошоците за живот растат, дека Нетанјаху повторно се грижи само за себе“, рече Лапид.
Претставникот Авигдор Либерман најави дека неговата партија Израел наш дом (Yisrael beytenu) ќе поднесе барање до судот за укинување на законот и дека нема да дозволи државата Израел да стане „монархија на Нетанјаху“.
Лидерот на централно-левичарската Лабуристичка партија, Мерав Михаели, го осуди „срамниот закон чија цел е да се спречи Нетанјаху да биде испратен во затвор“ и додаде дека ова е „уште една војна за независност која мора да се добие“.