Израел денеска соопшти дека во воздушен напад во Појасот Газа загинал еден од командантите на Хамас, Мохамед Абу Хасна, пренесе Ројтерс.
Палестинските здравствени власти соопштија дека загинале уште четири лица, меѓу кои и еден работник на Обединетите нации.
Израелската армија истакна дека во нападот бил убиен Абу Хасна, кого го опишува како милитант кој обезбедувал разузнавачки информации за позициите на израелските сили и, како што е наведено, „исто така бил вклучен во контролата на хуманитарната помош и испраќањето на таа помош до терористите на Хамас“.
Милитантната група Хамас рече дека Абу Хасна бил член на нивните полициски сили и го нарече неговото убиство „кукавички чин“ чија цел е да ја попречи дистрибуцијата на помошта.
Хамас идентификуваше уште едно убиено лице, шефот на Комитетот за вонредни состојби во Рафа, Нидал ал Шеик Еид.