Во Италија се зголемува потрошувачката на лекови и оние кои се издаваат со рецепт и оние за кои граѓаните плаќаат полна цена.
Лани за лекови се потрошени вкупно 32,2 милијарди евра, што претставува зголемување за речиси четири отсто во однос на претходните две години.
Кога купуваат „сами“, најчесто избираат брендирани.
Италијанците трошат се повеќе пари за лекови
Во минатата година здравствените домови и болниците за лекови потрошиле 22,2 милијарди евра, додека претходната година таа бројка изнесувала 21,7 милијарди.
Кога станува збор за приватниот сектор, граѓаните потрошиле 9,2 милијарди евра (претходна година: 7,1 милијарда) на лекови како лекови за смирување – анксиолитици (на база на бензодиазепини), контрацептиви и третмани за еректилна дисфункција.
Што се однесува до лековите кои граѓаните ги користат речиси секојдневно, на прво место се диклофенак и ибупрофен кои се вклучени во антиинфламаторните лекови и парацетамолот кој е вклучен во лековите против болки.
Италијанската агенција за лекови (Аифа) го објави најновиот извештај за употребата на лекови во 2021 година, кој јасно покажува дека цената на лековите бележи постојан пораст во последните десет години, што ги загрижува експертите.
Марката е важна и за лековите
Директорот на „Ајфе“, Никола Магрини, за „Кориере дела сера“ изјави дека луѓето често користат лекови на погрешен начин и сами ги купуваат, а најчесто станува збор за „марки“ чија цена е повисока во споредба со поевтините, генерички лекови кои имаат иста состојка и иста ефикасност како и брендирана.
„Италија е речиси на последното место во Европа во однос на потрошувачката на овие генерички лекови, со инциденца од само 21 процент. Потребни се кампањи насочени и кон фармацевтите и кон граѓаните за да се поттикне употребата на овие лекови, кои се подеднакво ефикасни и безбедни но поевтино“, рече координаторот на извештајот Франческо Трота.
Годишен трошок по пациент 319 евра
Лековите најчесто ги користат лицата постари од 65 години – 70 проценти од сите ресурси и дози на лекови се наменети за нив.
Јавниот трошок за секој постар пациент е околу 558 евра (599 евра за мажи и 525 евра за жени).
Кога зборуваме за просечната цена на лековите за сите граѓани, без разлика на возраста, таа е 319 евра.
Во 2021 година, шест од десет луѓе имале најмалку еден напишан рецепт. Најмал број на север – 59,3 отсто; Во централна Италија – 64,7 отсто; На југ 66,7 отсто.
Кампања е регионот со најголем бруто-трошок по глава на жител: 199,9 евра и со најголема потрошувачка – 1.334 дневни дози на 1.000 жители.
Од друга страна, на северот од земјава, во Болчан, бруто расходите се 113,4 евра и 821,4 дози на 1.000 жители. Видливи се и разликите меѓу женскиот и машкиот пол.
Жените водат
Имено, кај жените се забележани повисоки вредности и во однос на трошоците по глава на жител (204 наспроти 197 евра) и во однос на дневните дози (1.257 на 1.000 население наспроти 1.107).
Кај возрасната група меѓу 20 и 64 години, употребата на лекови е поголема отколку кај мажите.
Кога станува збор за лекови на рецепт наменети за стабилизирање и лекување на кардиоваскуларни болести, тие се на прво место во 2021 година.
И иако Аифа излезе со соопштение, според кое е неопходно да се намали потрошувачката на витамин Д, се забележува зголемување од 1,6 отсто, бидејќи лекарите несоодветно го препишувале како лек против Ковид.
Што се однесува до онколошките лекови, како и имуномодулаторите и лековите за крв, тие најмногу ги издавале јавните здравствени установи.