Дел од оригиналниот имот на Џорџ Вашингтон во Маунт Вернон беше продаден за 50 милиони долари, што е највисока сума платена за имот во Вирџинија, Мериленд и Вашингтон.
Имотот од 66 хектари во Александрија, Вирџинија, на околу 100 метри од реката Потомак, со пристап и главна куќа од 1.500 квадратни метри што гледа на реката од речиси секоја соба е познат како Ривер Вју Естат.
Маунт Вернон е само дел од имотот што Џорџ Вашингтон го купил во 1760 година. Американското хортикултурно друштво сè уште поседува дел од оригиналниот имот, кој оттогаш е претворен во музеј.
Имотот бил во сопственост на семејството до 1859 година и оттогаш се менувал само четири пати.
Претходните сопственици на имотот, директорот на авиокомпанијата „Локид“, Мартин Роберт Стивенс, го купиле имотот во 2014 година за 18,6 милиони долари. Куќата сега е продадена за 48 милиони и платен е мебел вреден два милиони, пишува порталот Mansion Global.
Првиот американски претседател сепак не спиел во куќата со седум спални соби и 13 бањи. Новата, бела резиденција е изградена во американски федерален стил во 2014 година, дизајнирана од архитектот Џим Рил.
Куќата содржи и овална застаклена просторија со поглед на реката и дворот, неколку тераси, библиотека, соба за забава со бар и фитнес центар со базен и спа.
Има и пансион со три спални соби и помошна куќа со гарсоњера.