Американското Федерално биро за истраги (ФБИ) денеска објави дека тајно ја хакирало бандата Хив и го спречило нивниот план да користат „рансомвер софтвер“ за да ограбат повеќе од 300 жртви за над 130 милиони долари.
Американскиот државен обвинител Мерик Гарланд, директорот на ФБИ Кристофер Реј и заменичката на американската обвинителка Лиза Монако на прес-конференција изјавија дека владините хакери упаднале во мрежите на бандата Хив и ја ставиле под надзор, пренесе Ројтерс.
– Користејќи легални средства хакиравме хакери – соопшти Монако.
Серверите на Хив биле хакирани и од германската криминалистичка полиција и холандската национална единица за високотехнолошки криминал.
– Интензивната соработка преку националните граници и континенти, која се карактеризира со взаемна доверба, е клучот за ефикасна борба против сериозниот сајбер криминал – најавија германскиот полициски комесар Удо Фогел и обвинителите во германската покраина Баден-Виртемберг.
Британската агенција објави дека не е јасно каде географски се наоѓаат хакерите од групата Hiv.
Во овој случај не беше запленета криптовалута, бидејќи инспекторите интервенираа пред Хив да побара исплати од потенцијалните жртви.
Со повеќе од 100 милиони долари откуп, Хив беше една од најголемите сајбер-криминални групи кои ги уценуваа меѓународните деловни актери блокирајќи ги нивните податоци и барајќи од нив да плаќаат огромни суми во криптовалути за возврат.
Американското Министерство за правда соопшти дека ХИВ има повеќе од 1.500 жртви во 80 различни земји.
Ransomware е вид на софтвер дизајниран да го блокира пристапот до компјутерски систем додека не се плати одредена сума пари.