Германија денеска во пресрет на состанокот на министрите за финансии на групата Г7 во Париз предупреди на тешките економски последици кои би ги предизвикала војната во Иран и можна блокада на Ормутскиот теснец.
Германскиот вицеканцелар и министер за финансии Ларс Клингбејл во пресрет на неговото патување во Париз изјави дека војната е „сериозна закана за глобалната економија“ која предизвикува огромна штета на економскиот развој.
Тој нагласи дека мора да се направи се за да се „трајно завршување“ на конфликтот, да се стабилизира регионот и да се обезбедат слободни морски патишта.
„Во исто време, нашиот пат како Европејци е јасен: приоритет ни е соработката, а не конфронтацијата“, изјави Клингбејл, а пренесува германската агенција dpa.
Економски последици
Се очекува учесниците на состанокот на министрите за финансии на Г7, кој започнува денеска, да се фокусираат на економското влијание на конфликтот на Блискиот Исток и можните последици за светската трговија.
Ормускиот теснец сè уште е еден од најважните светски поморски патишта за трговија со нафта и гас.
На разговорите во Париз, покрај министрите од Г7, ќе учествуваат и министрите за финансии на Бразил, Индија, Јужна Кореја и Кенија.
Клингбејл, исто така, истакна дека сегашните кризи покажуваат колку е важно Германија и Европа да станат „понезависни и поотпорни“, особено во однос на суровините, енергијата и синџирите на снабдување.