Портпаролот на иранската армија Ебрахим Золфагари упати закана дека ќе бидат „деактивирани“ сите американски воени бази во јужниот дел на Персискиот Залив.
„Во изминатите 24 часа морнарицата на ИРГЦ не дозволи ниту еден брод да мине низ Ормутскиот теснец. Во блиска иднина сите американски воени бази во јужниот дел на Персискиот залив ќе бидат деактивирани“, рече Золфагари во објавата на социјалната мрежа Х.
Како што рече, Иран ќе изгради „Нов поредок“.
Американскиот претседател Доналд Трамп претходно, во неделата, му се закани на Техеран дека ништо нема да остане од Иран доколку неговите лидери брзо не преземат одредени чекори.
„Времето истекува за Иран и подобро е да побрзаат, брзо, или нема да им остане ништо. Времето е суштинско“, напиша Трамп на својата платформа на Твитер.
Минатата недела Трамп ја отфрли најновата мировна понуда на Иран како неприфатлива, додека отворено зборуваше за уништувањето што американската војска веќе го предизвика во Иран, како и за целите што ги поштеди, но може да ги преиспита, пренесува Танјуг.