Светската здравствена организација (СЗО) прогласи вонредна состојба во јавното здравство од меѓународно значење поради епидемијата на ебола.
Новата епидемија на ебола во Демократска Република Конго однесе 80 животи, 246 се сомнителни случаи, соопшти Министерството за здравство на таа земја.
Во меѓувреме, вирусот се прошири и во Уганда.
Генералниот директор на СЗО, д-р Тедрос Аданом Гебрејесус предупреди дека постојат значителни несигурности во однос на реалниот број на заразени лица и географското ширење на епидемијата.
Сепак, СЗО објави дека епидемијата не ги исполнува критериумите за вонредна состојба на пандемијата, пренесува Ројтерс.
СЗО потсети дека сегашниот вид на ебола е предизвикан од вирусот бундибугио, за кој нема одобрени лекови или вакцини.
Министерот за здравство на Конго, Самуел-Роџер Камба, изјави дека земјата е погодена од многу смртоносен вид на ебола за кој нема вакцина.
СЗО соопшти дека досега се потврдени осум случаи на вирусот со лабораториско тестирање, додека други сомнителни случаи и смртни случаи се регистрирани во три здравствени зони, вклучувајќи го Бунија, главниот град на провинцијата Итури, како и рударските градови Монгвала и Рвампара, пренесува Срна.
Официјални лица од Уганда објавија дека 59-годишниот маж кој почина во четвртокот, 14 мај, бил позитивен на вирусот.
Земјите кои граничат со Конго се сметаат за висок ризик за понатамошно ширење поради движењето на населението, трговијата и патувањето.