Минатата година, 2.707 луѓе биле егзекутирани во 17 земји кои имаат смртна казна, што е најголем број егзекуции од 1981 година, соопшти невладината организација Амнести интернешенел.
Во извештајот „Смртни казни и егзекуции во 2025 година“, Амнести интернешенел наведува дека за наглото зголемување на извршувањето на смртната казна се одговорни неколку земји, меѓу кои на прво место е Иран, каде минатата година биле егзекутирани најмалку 2.159 лица, што е повеќе од двојно повеќе од бројот во однос на 2024 година.
На второ место е Саудиска Арабија, каде минатата година беа извршени најмалку 356 смртни казни, главно за прекршоци поврзани со дрога.
Егзекуциите во Кувајт се речиси тројно зголемени до 2024 година, од шест на 17 минатата година, додека речиси двојно се зголемија во Египет – од 13 на 23, во Сингапур – од девет на 17 и во САД – од 25 на 47.
Споредено со 2024 година, кога биле забележани најмалку 1.518 егзекуции, егзекуциите лани се зголемени за 78 отсто.
Вкупниот број на егзекуции во 2025 година не вклучува илјадници егзекуции за кои Амнести интернешнал вели дека се верува дека се случиле во Кина.
Генералниот секретар на Амнести Интернешнл Агнес Каламар рече дека „ова алармантно зголемување на употребата на смртната казна е резултат на мала, изолирана група држави кои се подготвени да извршат егзекуции по секоја цена, и покрај континуираниот глобален тренд кон укинување“ на смртната казна.
Смртните казни се извршуваат во Кина, Египет, Иран, Ирак, Северна Кореја, Саудиска Арабија, Сомалија, Соединетите Американски Држави, Виетнам, Јемен, Јапонија, Јужен Судан, Тајван и Обединетите Арапски Емирати, пренесува Танјуг.