Финска започна со подигнување на нова ограда долга 200 километри на дел од границата со Русија, а на тој чекор се реши по инвазијата на Украина, соопшти граничната служба.
Работите вклучуваат трикилометарски пилот проект во близина на градот Иматра, на југоистокот на Финска, пишува АФП и пренесува Хина.
Планирана е изградба на дополнителни 70 километри меѓу 2023 и 2025 година, главно на југоисточниот дел на нордиската земја. Финска има 1340 километри долга граница со Русија.
Финска планира да изгради 200 километри ограда, а работите се проценуваат на 380 милиони евра, пренесува Ал Џезира.
На металната ограда висока три метри ќе биде поставена бодликава жица, а на чувствителните места ќе бидат поставени камери за ноќно снимање, светилки и звучници.
Се очекува работата да биде завршена во 2026 година.
Естонија, Летонија и Полска исто така ја зајакнаа или ќе ја зајакнат безбедноста на границата со Русија.