Италијанците носталгично се сеќаваат на популарното „циквеченто“ со кое и четиричлено семејство одело на одмор, а не може да се каже дека не беше популарно ниту на нашите простори.
Роден на 4 јули 1957 година, популарното „фиќо“ го прослави својот 64 роденден.
„За овие 64 години „фиќо“ беше продадено во повеќе од шест милиони примероци, од кои два милиони нови копии се произведени од 2007 година до денес“, рече Лука Наполитано, менаџер на групацијата „Стелантис“, додавајќи дека „Fiat 500„ сè уште е најпопуларниот модел во целиот свет.
Осумдесет проценти од производството на овој модел се извезува во странство, особено во Германија, Франција, Америка и Јапонија.
Во шеесеттите години, тоа беше автомобил што донесе економски раст во Италија и започна масовна моторизација на оваа земја, додека електричниот модел, кој се произведува од октомври 2020 година, среде пандемија, е најрепрезентативниот производ „направен во Италија“.
„Фиат 500Е“ се произведува во историската фабрика „Мирафијори“ во Торино и доживува неочекувано добар успех, како што изјави компанијата „Стелантис“, а објави весникот „Кориере дела сера“.
Нивната идеја, со оглед на огромниот успех, е да го зголемат производството од 70.000 на 140.000 возила годишно, што ќе доведе до зголемување на работата на самата фабрика.
Првиот „Светски митинг на Fiat“ се слави низ целиот свет, каде е можно да се види овој едноставен автомобил, но како што велат неговите обожаватели – елегантен и со стил.
На прашањето – „Кој автомобил е симбол на Италија?“, Повеќето од жителите на оваа земја одговараат: „Фиат 500“.
Тоа е автомобил што секој во Италија го поседувал барем еднаш, без оглед на која економска класа припаѓал. Веднаш штом се појави на пазарот, „фиќо“ чинеше 465.000 лири.
Компанијата го слави својот роденден со специјално ТВ-видео, направено со снимка од пред повеќе од шеесет години.
Тој беше искористен за лансирање на оригиналниот „Fiat 500“ и исто така прикажува видео од најновиот „Fiat 500E“ со слоганот Come prima, piu di prima! (Како и порано, повеќе од порано).
https://youtu.be/VSL1ivQoVUc