Фејсбук и Инстаграм ќе го блокираат пристапот до објавите од канадските медиуми, објави нивната матична компанија Мета, како одговор на штотуку донесениот закон кој ги принудува интернет гигантите да плаќаат за емитување содржини од локалните медиуми.
„Денес потврдуваме дека содржината на вести повеќе нема да биде достапна на Фејсбук и Инстаграм за сите корисници во Канада“, рече Мета, истакнувајќи дека „неколку пати“ предупредила дека ќе ја преземе оваа мерка.
Канадските власти реагираа, велејќи дека нивните официјални лица разговарале во текот на неделата со претставници на Facebook и Google.
Новиот закон, кој допрва треба да стапи на сила, бара од дигиталните гиганти да склучуваат договори за фер трговија со канадските медиуми за публикации споделени на нивните платформи.
Канадскиот премиер Џастин Трудо ja критикуваше Мета во мај дека веќе блокира некои Канаѓани да пристапат до информации на интернет.
Трудо рече дека компанијата е „многу неодговорна“ затоа што одбила да им плати на медиумите за нивната работа.
Во последниве месеци, Мета и Гугл објавија дека тестираат мал дел од канадското население, ограничувајќи им го пристапот до сајтовите за вести.