Две средовечни жени во Флорида се маскирале во стари жени со цел да добијат вакцина против коронавирус.
Жените, и двете на возраст под 45 години, „облечени како баби“, носеле капи, ракавици и очила за да изгледаат постари од 65 години, затоа што луѓето над таа возраст имаат приоритет за вакцина.
Раул Пињо, директор на одделот за здравство во округот Оринџ, во кој се наоѓа и главниот град Орландо, рече дека обидот за измама покажува колку е голема побарувачката за вакцини.
„Вакцината во моментов е најбараната работа и мора да бидеме внимателни“, рече Пињо.
Сепак, се чини дека костумите на двете жени функционирале еднаш. И двете имаа картички од Центарот за превенција и контрола на болести кои укажуваат на тоа дека веќе ги добиле првите дози.
Пињо истакна дека не знае како успеале во тоа прв пат, но тие биле фатени во новиот обид.
Вработените забележале дека деновите на раѓање од нивните сообраќајни дозволи се разликуваат од она што тие го тврдат, па затоа и двете жени на возраст од 44 и 34 години биле упатени на понатамошна проверка.
Ваквите случаи не се невообичаени и многумина се обидуваат да го измамат системот и да добијат вакцина.
Минатиот месец, богат пар Канаѓани полетаа во оддалечен дел од земјата и се преправаа дека се членови на домородното население, кое беше во приоритетната група.