Катастрофалното невреме доцна попладне и кон крајот на вчерашниот зафати делови од Швајцарија и Италија, а во овој момент разорното невреме се движи и на северозапад од Балканот.
Во текот на попладневните часови и кон крајот на денот, системите со грмотевици донесоа обилни врнежи, силни грмежи и град, но и налети на ветрови слични на урагани во многу делови на Швајцарија.
За жал, причинета е огромна материјална штета, а сцените од драматичното невреме се повеќе од шокантни.
Под налетот на ветрот паднаа далноводи, а огромен број згради беа оштетени. Бурниот ветер корнеше дрвја, а оштетени се и голем број возила.
Ураганскиот ветер носеше и урна покриви, а многу луѓе останаа без покрив над главата.
Едно лице загина, а голем број луѓе се повредени.
Без струја останаа и голем број луѓе.
Освен во Швајцарија, разорното невреме ги погоди и северните делови на Италија и Австрија, а едно лице загина и во Италија.
Невремето е многу опасно и може да предизвика поголема материјална штета, а опасно е и по човечки животи.
Овој моќен систем најмногу ќе ги зафати западните, централните и источните региони на Словенија, но и поширокото подрачје на Љубљана.
Можни се поплави и поројни поплави.
По Словенија, овој систем со грмотевици ќе го погоди крајниот северозападен дел на Хрватска, потоа западниот дел на Унгарија и ќе донесе разорни катастрофи.
Претходно во текот на денот највисоко ниво на предупредување за грмотевици и катастрофи беше зголемено за регионот на Алпите и за поширокото подрачје од Швајцарија преку северна Италија и Словенија до Австрија, северозападна Хрватска и западна Унгарија.
По топлиот вторник со температури до 40°С, во среда во Србија ќе пристигне студен фронт со силно заладување и невреме.