Работата на форумот составен од граѓаните, е на крајот од работата од овој циклус. Во четврток, во 11.00 часот, во холот на НУЦК „Трајко Прокопиев“, закажана е четвртата сесија од проектниот форум, кој Општината Куманово го спроведува во соработка со УНДП, преку проект финансиран од Швајцарската агенција за развој и соработка (SDC).
На сесијата граѓаните треба да ги изберат проектите што ќе бидат финансирани со проектен фонд од 50.000 швајцарски франци (CHF).
Целта на форумот е зголемување на учеството на граѓаните во процесот на донесување на одлуки на локално ниво.
Форумскиот процес е дел од проектот „Зајакнување на општинските совети“, чија втора компонента е зајкнување преку мали грантови за приоритетни мерки на општините, избрани преку јавни консултации.