Еден човек загина, а неговиот пријател е повреден за време на борба со бикови во источна Шпанија, соопштија властите.
Инцидентот се случил во градот Побла де Фарналс во регионот на Валенсија за време на саботната трка.
Бикот удрил 61-годишен маж, кој бил пренесен во болница.
Иако итно бил опериран, тој вчера починал од здобиените повреди.
Истиот бик, познат како Косинеро или Готвачот, поминал низ ногата на друг тркач.
Во болница е пренесен и 63-годишен маж кој моментално е во стабилна состојба.
Смртта и повредите за време на борбите со бикови во Шпанија не се невообичаени.
Трките со бикови се мета на бројни критики
Секоја година низ Шпанија се одржуваат стотици вакви настани, во кои бикови се пуштаат на градските улици додека луѓето трчаат пред нив.
Групите за заштита на животните долго време се жалат на опасноста за јавноста, но и за животните.
Сепак, годишните настани ја задржаа својата популарност.
Сезоната на трчање бикови го дава многу потребниот поттик за економијата на Валенсија, пишува Би-Би-Си.
Студијата од 2019 година покажа дека споменатата традиција отвори повеќе од 3.000 работни места и донесе 300 милиони евра преку речиси 10.000 настани годишно.