Американскиот претседател Џо Бајден во мај отпатува за Јапонија и Австралија на самитот на Г7 и на третата физичка средба на лидерите на групата Квад, соопшти Белата куќа.
На 24 мај, во Сиднеј, Бајден треба да се сретне со лидерите на таканаречената група Quad, која ги вклучува САД, Австралија, Јапонија и Индија, се наведува во соопштението за печатот на Белата куќа.
– Четири лидери ќе разговараат за можностите за продлабочување на соработката за критични и нови технологии, висококвалитетна инфраструктура, глобално здравје, климатски промени, свесност за поморските средства и други прашања кои се важни за луѓето во Индо-Пацификот – беше објавено.
Бајден треба да учествува и на самитот на лидерите на Г7 во Хирошима од 19 до 21 мај.
Белата куќа објави дека лидерите на Г7 ќе разговараат за „голем број од најитните глобални прашања“, поддршката на групата за Украина и кризата со храна и климата.