Аргентиснкиот пезос на црниот пазар падна за речиси 10 отсто, на над 1.000 за долар, откако Хавиер Мајли кој се залага за доларизација победи на претседателските избори во земјата, додека акциите и обврзниците скокнаа поради надежите за построги економски политики.
Мајли најави дека ќе ги намали владините трошоци, ќе ја отфрли валутата пезос и ќе ја затвори централната банка.
Локалниот берзански индекс S&P Merval (MERV) порасна за 13 отсто, предводен од растот за повеќе од 30 отсто на акциите на државната енергетска компанија IPF, израмнувајќи го наглиот пораст на нејзините акции на американската берза еден ден претходно, на навестување на Мајли дека може да ја приватизира компанијата, пренесува Ројтерс.
Мајли пред изборите рече дека сака целосно да го отфрли пезосот во корист на доларот, кој изврши притисок врз националната валута, која има официјална стапка од близу 350 за долар, но се тргува за речиси три пати повеќе на популарни црни пазари.
Меѓународните обврзници поскапеа втор ден по ред, забележувајќи раст од дури 0,6 центи, а понудите беа меѓу 29 и 34 центи, покажаа податоците на MarketAkesh. Локалните обврзници пораснаа во просек за 4,2 отсто, пренесува Танјуг.
Мајли вети дека ќе воведе „терапија на економски шок во долгорочната економија“, а преценетиот пезос е во срцето на економскиот судир во земјата. Има јаз меѓу официјалниот курс и каде се тргува на улица.
Аналитичарите во Morgan Stanley рекоа дека очекуваат пезосот да падне за 80 отсто во следните шест недели.
Мајли, кој ќе ја преземе функцијата на 10 декември, во својот прв говор не спомна „доларизација“.
Тој вети големи економски промени за погодената економија, каде што инфлацијата е на 143 проценти и ќе расте со девалвирање на пезосот.
Мали, исто така, силно ги критикуваше Кина и Бразил пред изборите, двата главни трговски партнери на Аргентина.