Бројот на смртни случаи предизвикани од алкохол во Шкотска минатата година се искачи на највисоко ниво во споредба со минатата деценија, објави Националниот завод за статистика на Шкотска (НРС).
Во Шкотска, имало 1.190 смртни случаи од алкохол во 2020 година, што е за 17 проценти повеќе отколку во 2019 година, и најголем број од 2008 година, кога се регистрирани 1.316 смртни случаи, пишува Гардијан.
Статистиката покажува дека повеќе од две третини од смртните случаи минатата година биле мажи, а речиси секое трето лице имало помеѓу 50 и 60 години.
„Шкотска постигна добар напредок во борбата против алкохолот со воведување политики како што е минималната цена за еден производ што покажа ветувачки резултати. Сепак, влијанието на пандемијата се заканува да го поткопа овој напредок. Многу луѓе, особено оние кои пијат повеќе, имаат пријавија зголемена потрошувачка на алкохол последните 18 месеци. Последиците најмногу ги чувствуваат оние што живеат во најсиромашните заедници, кои имаат осум пати поголема веројатност да умрат од алкохол”, вели Алисон Даглас, извршен директор на Alcohol Focus.
Даглас рече дека напорите за спречување на маркетингот за алкохол мора да се удвојат и да се зголемат минималните цени на единиците за да се спречи смртноста од алкохол во Шкотска.
Податоците на НРС, исто така, открија дека самоубиствата во Шкотска се намалиле за три проценти, каде што во 2020 година биле регистрирани 805 самоубиства, од кои 28 проценти биле извршени во периодот од јуни до септември.