Експертите укажуваат на опасноста од бактерии што може да се најдат на долната облека и покрај миењето на високи температури, па затоа ве советуваат да направите ред во плакарот.
Што се однесува до колекцијата долна облека, повеќето од нас имаат неколку пара стари, скапи, па дури и дотраени гаќи кои ги чуваме затоа што ни се пријатни. Судејќи според зборовите на експерти за хигиена, таквата навика не е добра и треба да размислиме да ја отстраниме ако имаме долна облека повеќе од шест месеци.
Д-р Лахани објаснува како бактериите можат да останат на гаќичките дури и откако ќе поминат низ машината за перење.
– Долна облека веќе подолго време е во близок контакт со вашата кожа, поточно со вашите интимни области. Како резултат, доаѓа во контакт со многу мртва кожа, како и со бактерии – и здрави, природни бактерии што сите ги имаме и лоши бактерии кои можат да бидат резултат на инфекции – истакнува таа.
Постојат студии кои сугерираат дека некои бактерии, како што е ешерихија коли, можат да преживеат при високи температури за перење. Затоа тој нè советува да ги фрлиме старите гаќи и да купиме нови по најмногу една година, а идеално по шест месеци.
Ова е особено точно за долна облека што ја користиме за време на спортски активности или во теретана.
– Со менување на долната облека на секои шест месеци и миење на високи температури, ги правите најважните чекори во заштитата на вашето интимно здравје – истакнува д-р Лахани.