Американското федерално биро за истраги изврши претрес на имотот на поранешниот американски претседател Доналд Трамп на Флорида.
Операцијата траеше од 9 до 18 часот и 30 минути по локално време, објави телевизијата „Њуз чанел“, повикувајќи се на неименуван извор запознаен со ситуацијата.
Во извештајот се наведува дека тројца од адвокатите на Трамп биле присутни за време на претресот.
Според телевизијата, ФБИ барал конкретни документи кои биле земени од сефот на Трамп.
Трамп претходно изјави дека агенти на ФБИ го пребарале неговиот имот во Мар-а-Лаго на Флорида. Тој не наведе зошто е извршен претресот, но рече дека му го отвориле сефот.
Националната управа за архиви и записи (НАРА) побара од Трамп во јануари да предаде 15 кутии со документи поврзани со работата на кабинетот на претседателот што тој ги однел со себе од комплексот во Белата куќа.
Американските медиуми наведуваат дека претресот е поврзан со некои доверливи документи кои се кај Трамп.