Палестинскиот претседател Махмуд Абас изјави дека мирот на Блискиот Исток не може да се постигне без да се обезбедат правата на Палестинците, јавува Anadolu Agency.
Во своето обраќање на 78. сесија на Генералното собрание на Обединетите нации (ОН) во Њујорк, тој го предупреди Израел да не ја претвора политичката борба во „верски конфликти“, потсетувајќи на упадите и прекршувањата на исламските и христијанските светилишта во Ерусалим.
„Израел ги крши релевантните резолуции на Обединетите нации и се откажа од Договорот од Осло, а ние сè уште имаме надеж да ги спроведеме вашите одлуки за ставање крај на израелската окупација на нашата земја“, рече Абас.
Тој го повика шефот на ОН, Антонио Гутереш, да се подготви за меѓународна мировна конференција за да може да продолжи процесот, кој беше запрен поради израелската политика.
Членство во ООН
„Конференцијата може да биде последна шанса да се задржи можното решение за две држави и да се спречи сериозно влошување на ситуацијата“, рече палестинскиот лидер.
Тој побара „практични чекори“ за признавање на палестинската држава и полноправно членство во ОН.
Тензиите низ Западниот Брег се зголемија во последните месеци поради повторените израелски напади врз палестинските градови.
Мировните преговори меѓу Палестинците и Израелците се во застој од април 2014 година поради одбивањето на Тел Авив да ја запре изградбата на населбите и да ги ослободи палестинските затвореници.
Израел, исто така, избегна разговори за решение со две држави.