Педесет и осумгодишен кумановец е најнова жртва во зачестената измама со продажба на непостоечки огревни дрва.
– На 12.01.2024 година во 13.00 часот во СВР Куманово, 58- годишен маж од Куманово пријавил дека бил измамен од едно лице за сума од 6 000 денари, информираат од Секторот за внатрешни работи.
Според пријавеното, лицето му понудило огревни дрва и откако се договориле, се упатиле на местото каде наводно биле складирани.
– Како што е пријавено, откако пристигнале лицето му кажало дека ќе оди да ги донесе дрвата но дошло кај неговата сопруга и ѝ кажало дека нејзиниот сопруг рекол да му ги даде парите. Подоцна нејзиниот сопруг се вратил без дрва, по што сфатиле дека се измамени, велат од кумановската полиција.
Оттаму додаваат дека се преземаат мерки за расчистување на случајот.
Никола Ивановски