Триесет тони сол во текот на изминатата ноќ се фрлени врз кумановските улици поради снежните врнежи кои од вчера го зафатија градот, информираат од Секторот за урбанизам при Општина Куманово.
Од 20:30 вчеравечер сите екипи на двете компании задолжени за зимско одржување на улиците изглегле на терен и ги чистеле улиците до 2 часот утринава, при што првата и втората зона од Куманово се целосно проодни и исчистени.
Според УХМР снежната покривка во Куманово утринава е 10 сантиметри, а нови врнежи од снег се очекуваат повторно во текот на денот.