Од утре попладне метеорлозите најавуваат врнежи од дожд кои на пвосоките места ќе поминуваат во снег.
Од УХМР соопштуваат дека врнежите утре ќе бидат повеќе застапени во западните делови на земјата, а кон крајот на денот и ноќта кон недела ќе се прошират во поголемиот дел од земјава, а на повисоките места и на планините ќе поминуваат во снег.
Пообилни врнежи ќе има во западните делови каде се очекува да наврнат над 25 литри на метар квадратен. Ќе дува засилен јужен ветер.
В недела претпладне во западните и северните делови ќе има повремени врнежи од снег, а границата на снежните врнежи се очекува да се спушти и до 500 м.н.в. Снежната покривка на планините ќе се зголеми, а помала снежна покривка може да се формира и на некои повисоки места.
Во почетокот на наредната седмица ќе преовладува променливо облачно и релативно топло време со умерен јужен ветер.
Извор: МИА
Loading...