Епископот на христијанска црква во Сиднеј, како и неколку верници биле нападнати кога непознат маж влегол во црквата и со нож тргнал кон олтарот каде свештеникот бил среде проповед.
Епископот Мари Емануел проповедаше во христијанската црква „Христос Добриот Пастир“ во западниот дел на Сиднеј во понеделникот нешто по 19 часот.
На застрашувачката снимка од инцидентот, која во живо беше емитувана на страницата на црквата на Јутуб, која ја следат 200.000 луѓе, се гледа дека владиката Емануел зачудено гледа нагоре додека напаѓачот ненадејно го удира со тупаници по лицето и главата.
Во позадината на видеото се слушаат страшни врисоци, а други верници брзаат да му помогнат на владиката додека тој паѓа на подот.
Службата за брза помош на Нов Јужен Велс била повикана на местото на настанот околу 19.15 часот во понеделникот, објавија медиумите.
Портпаролот рече дека маж на околу 50 години бил пренесен во болницата во Ливерпул со повеќе убоди. Покрај свештеникот, повредени се и уште три лица на кои им била укажана помош на лице место.
Маж на возраст од триесет години се здобил со повеќе исеченици, на друг на возраст од дваесет години му биле исечени рацете, додека маж на 60-годишна возраст се здобил со рана на раката, се додава во извештајот.
Портпаролот на полицијата на Нов Јужен Велс изјави дека повредите на епископот Емануел не се опасни по живот. Како што е соопштено, полицијата го привела осомничениот.
Разбирливо е дека избодениот свештеник „го поттикнал гневот“ на жителите на западен Сиднеј кога за време на пандемијата ја прогласил изолацијата на Ковид во Сиднеј како „масовно ропство“ и тврдел дека вакцините се бескорисни бидејќи „нормалниот“ живот ќе го зајакне имунитетот.