Секој од различни причини понекогаш се наоѓал во ситуација да мора да перат повеќе алишта отколку што има простор во машината за сушење, па користеле радијатори во зимските месеци.
Сушењето алишта на радијатор исто така го забрзува процесот ако брзаме, но колку и да е едноставна опцијата, дали е добра?
Медицинските експерти во Манчестер издадоа предупредување за опасностите од оваа навика.
Научниците велат дека со сушење на алиштата на радијаторот, луѓето помагаат да цвета мувлата, што пак може да предизвика аспергилоза, инфекција предизвикана од вдишување спори на мувла и влијае на респираторниот систем, но може да се прошири насекаде во телото бидејќи продира во крвните садови.
Аспергилозата може да се лекува со лекови или имунолошкиот систем сам да се бори против неа, но ако имате некакво хронично белодробно заболување или сте имале проблеми со белите дробови во минатото или едноставно ви е нарушен имунитетот, тоа може да биде многу опасно.
„Астмата е идентификувана како проблем, но не е поврзана со габична алергија. Сепак, еден пар чорапи или крпа на радијаторот не мора да ги влоши работите многу, но сушењето на радијаторот без отворен прозорец може да биде проблем“, изјави портпаролот за Би-Би-Си.
Керлин Блур, експерт за ентериер, препорачува често проветрување во зима доколку немате можност за сушење во машина за сушење.
„Отворете го прозорецот кога и да се сетите, особено ако користите радијатор во спалната соба за сушење алишта. Мократа облека никогаш не треба да се суши на електрични радијатори и греалки бидејќи постои голема опасност од пожар“, рече таа.
Можеби е полесно да се исушат алиштата на радијаторот, но поради потенцијалната опасност, не заборавајте да проветрувате.
Исто така, покрај опасноста од појава на мувла, покривањето на радијаторот со облека ќе го намали капацитетот за загревање на просторијата, па може да ги зголемите сметките.