Пет изборни штабови вчеравечер отвори движењето ЗНАМ – За наша Македонија на кумановскиот градоначалник Максим Димитриевски.
Првите штабови се отворени во населбата Гоце Делчев, Зелен рид, м.з. Трета МУБ и Бајрам Шабани, м.з. Панче Пешев и Б.С. Гојчо и Промотивен центар на улицата „Ленинова“.
– Не има во голем број од сите вери и националности. Одиме на голема победа за наша Македонија. Во пркосно Куманово победуваат граѓаните, вели Даниел Стојчевски, претседател на локалниот огранок на движењето.
Инаку, ЗНАМ – За наша Македонија ќе учествува на претседателските избори токму со кумановскиот градоначалник Максим Димитриевски како кандидат за претседател, но и на парламентарните избори за кои листите за пратеници се во завршна фаза.
