Ракометарките на Куманово убедливо славеа над Кузман Вардар во рамките на третото коло од домашниот женски шампионат, откако на гостински терен ги совладаа со 14:53.
Доминацијата кумановки ја покажаа уште во првиот дел од средбата кога постигнаа дури 29 голови, наспротив деветте на домаќинот со што натпреварот веќе беше добиен и требаше рутински да се сведе до крај.
Токму од тие причини шанса да играат добија сите ракометарки, а голем дел од нив постигнаа и голови.
Граматова Пена со 11 голови беше најефикасен играч, по 10 погодоци имаат Ива Димитриевска и Тамара Боризовска, девет има Матеја Јовановска, шест голови има Сузана Зечевиќ, три има Ана Марија Димитривсоак, а со по два гола мечот го завршија Јована Кирпијановска и Јована Живковска.