Украинскиот претседател Володимир Зеленски, во пресрет на претстојната студена сезона, апелираше на истрајноста и издржливоста на Украинците.
– Непријателот силно се надева дека ќе ја искористи зимата против нас, да ги направи зимскиот студ и маката дел од неговиот терор – рече Зеленски во редовната видео порака.
– Мораме да направиме се што можеме за да ја преживееме оваа зима, без разлика колку е сурова. Да се издржи оваа зима значи да се издржи се – рече Зеленски.
Русија има предност во ракетните и артилериското оружје, посочи украинскиот претседател.
– Но, ние имаме нешто што окупаторот го нема и нема да го има: го штитиме нашиот дом и тоа ни дава најголема можна мотивација – нагласи Зеленски.
Сите информации поврзани со најновите случувања со војната во Украина можете да ги прочитате ТУКА.