Премиерот Зоран Заев очекува похрабри чекори од Здружението на новинари (ЗНМ) во борбата против лажните вести и нивното пласирање во медиумите.
Лажните вести, како што нагласи Заев, не само што шират омраза, уништуваат чест и достоинство на поединци, туку им штетат и на интересите на државата, уривајќи ги и попречувајќи ги нејзините стратегии.
-Од она што го добивам како анализи и од она што го следам и читам, гледам дека дефинитивно има многу злонамерни ширења лажни вести кои може да предизвикаат непоправливи последици. Се работи за медиуми без импресум кои и тоа како се присутни во етерот и кои, освен што уништиваат чест и достоинство на поединци, уништуваат и институции, уништуваат стратегии на државата, шират омраза која има рефлексија и пречки на нашите стратешки цели. Барам помош и поддршка од медиумите и здруженијата на медиумите да работиме на ова поле, да воспоставиме европски модели, да го најдеме тоа што е најдобро во Европа, во демократскиот свет и да го имплементираме зашто е сериозна закана и за општетсвото и за слободата и за стратешките определби на државата, но е сериозна закан и за поединецот во нашето оштество, истакна Заев, одговорајќи на новинарски прашања по отчетот за сработеното на Владата во првите 100 дена.
Мирјана Чакарова