Воената хунта која ја презеде власта во Нигер минатата недела ја обвини денеска соборената влада дека ја овластила Франција да го нападне претседателството и да се обиде да го ослободи затворениот претседател Мохамед Базум.
Во интервју за државната телевизија на Нигер, полковникот Амаду Абдраман, еден од командантите на пучот, рече дека овластувањето го потпишал министерот за надворешни работи на Нигер Хасуми Масуд, вршител на должноста премиер, пренесува Ројтерс, додавајќи дека Масуд не може да се контактира за коментар.
Франција, поранешниот колонијален владетел на Нигер, го осуди пучот и ја повика воената хунта да го врати Базум на власт, но официјален Париз не потврди каква било намера за воена интервенција.
Хунтата претходно предупреди за обидите на странските агенти да го ослободат Базум, предупредувајќи дека таквиот обид ќе резултира со крвопролевање и хаос.