Членовите на Европскиот парламент собраа доволно потписи за историска петиција со која се бара да се укине правото на Унгарија и на Виктор Орбан да гласаат за одлуките на ЕУ.
Информации за собраните потписи објави претставникот Петри Сарвамаа, кој рече дека со овој чин се на чекор до отстранување на Орбан од гласање.
„Собрав 120 имиња од неколку земји-членки и претставнички групи. Ви благодариме на сите што ја поддржаа оваа историска петиција. Поддршката за идејата за петицијата треба да биде потврдена на пленарната седница што е можно поскоро. Тоа може да биде најрано следната недела, бидејќи Европскиот парламент тогаш ќе гласа за резолуцијата за Унгарија. Се преговара за содржината на резолуцијата“, рече претставникот.
Инаку, во петицијата се повикува претседателката на Европскиот парламент, Роберта Мецола, да преземе чекори согласно член 7 од Договорот за Европската унија во однос на Унгарија.
„Иницирањето на процесот според членот 7 го означува првиот чекор за да се утврди постоењето на сериозно и постојано кршење на вредностите на ЕУ. По потврдувањето на таквото прекршување, тоа им овозможува на земјите-членки да преминат на вториот чекор од членот 7 од Договорот што може да потенцијално да резултира со суспензија на одредени избирачки права на Унгарија“, наведува тој.
Европратениците истакнаа дека овој чекор е неопходен за заштита на вредностите на Европската унија.
„Унгарија постојано беше критикувана за нејзината ерозија на владеењето на правото, особено по акциите на Унгарија да го наруши одлучувањето на земјите-членки на самитот во декември. Нашата главна задача е да го заштитиме европскиот начин на живот и демократија. Со иницирање на Постапката според членот 7 од Договорот за Европската унија, би испратиле јасна порака до Унгарија дека нејзините постапки се неприфатливи“, изјавија претставници во Европскиот парламент.
Инаку, членот 7 од Договорот за Европската унија е познат и како клаузула за суспензија, која дозволува можност за суспензија на членството во ЕУ доколку земјата сериозно и упорно ги прекршува принципите на кои се заснова ЕУ.
„Во согласност со член 7 од Договорот за Европската унија, на предлог на една третина од земјите-членки на ЕУ, Европскиот парламент или Европската комисија, по добивањето согласност од Парламентот на ЕУ, може да утврдат дека постои јасен ризик на сериозно кршење на овие фундаментални принципи и државата која ги прекршува начелата да ја упати на соодветни препораки“, се објаснува.
Signatures collected! We are one step closer to withdraw Orban’s voting rights.
The feedback was strong, thanks to everyone who has supported this historical petition. I gathered 120 names across party lines and from several Member States. 1/3 https://t.co/vjFyFk46zf
— Petri Sarvamaa (@petrisarvamaa) January 12, 2024