Во Ватикан, се чини дека не се многу задоволни од тоа како младите во денешно време внимаваат на црквата и верата, па решија да понудат „алатки за молитви“ за милениумците во согласност со современите трендови.
Уредот наречен „Click To Pray eRosary“ е електронска бројаница која преку апликација се поврзува со паметниот телефон на корисникот. Се активира кога корисникот ќе направи движење во форма на крст.
Самата нараквица е изработена од 10 монистри од црн агат и хематит, а има и „паметен“ крст во кој се чуваат податоците, пишува Engadget.
The bluetooth and water-resistant digital rosary is a product of “Click to Pray”, an initiative of #PopeFrancis' Worldwide Prayer Network. https://t.co/8RPLFnM0ZU #Catholic pic.twitter.com/eDQd2ifjpZ
— Catholic News Agency (@cnalive) October 16, 2019
Кога е активиран, корисникот може да избере од три типа молитва: стандардна, контемплативна или тематска, што ќе се менува на годишно ниво со годишно ажурирање.
Овој уникатен „гаџет за молитви“ го придружува својот корисник во молитвата, го запишува нивниот број и одржува статистика. Уредот собира и информации за здравјето на корисниците.
Сите верски содржини што му се потребни на корисникот можат да бидат персонализирани преку апликацијата.
The Vatican has announced the launch of the "Click to Pray eRosary."
— CNN (@CNN) October 17, 2019
Users activate it by making the sign of the cross, and then can choose between three options to pray. The $110 device keeps track of progress through prayers. https://t.co/XzB0PsEni6
Електронската бројаница „Click To Pray“ е креирана од мрежата на папата – Worldwide Prayer Network и е наменета да им помогне на верниците да научат да се молат за мир низ целиот свет, пренесува Си-Ен-Ен.
Цената на овој необичен религиозен „гаџет“ е 99 евра или 110 долари.