Клупа од градскиот кеј во Куманово заврши во реката Кумановка која се наоѓа во непосредна близина.
Фотографии со осудувачка порака против вандализмот на социјалните мрежи објави кумановскиот градоначалник Максим Димитриевски.
– Вандализмот нема граница, можеби само на момент те прави да се чувствуваш одважен но всушност си толку многу неодговорен и штетен за заедницата. Ние уништените клупи на градскиот кеј повторно ќе ги направиме но време е и да го заштитиме заедничкиот имот. Заедно да го осудиме вандализмот, напиша Димитриевски.
Инаку, ова е само едно во низата од вандалски дејствија на подрачјето на Куманово. Претходно беа оштетени скарите и канделабрите поставени во викенд населбата Студена вода, како и новите игралишта кај техничкото училиште.
Никола Ивановски