Уништувањето на шумите во бразилската прашума Амазон порасна за 22 отсто за една година, што е највисоко ниво од 2006 година, покажа годишниот извештај на бразилската влада, кој ги негира уверувањата на претседателот Жаир Болсонар дека земјата ја потиснува нелегалната сеча.
Бразилската агенција за вселенски истражувања забележа 13.235 квадратни километри уништување на шумите во најголемата прашума во светот во своите сателитски податоци PRODES во периодот од август 2020 година до јули 2021 година.
Зголемувањето доаѓа и покрај напорите на бразилскиот претседател да покаже дека неговата влада сериозно ја сфаќа заштитата на животната средина, додека продолжува да повикува на зголемено рударство и комерцијално земјоделство во заштитените делови на Амазон.
Владата вети дека ќе стави крај на нелегалната сеча пред 2028 година, цел што бара големо годишно намалување на уништувањето на шумите.