Граничниот премин Теткино на руско-украинската граница синоќа бил погоден од минофрлачки гранати, соопшти гувернерот на областа Курск, Роман Старојт, наведувајќи дека нема жртви.
Loading...
„Денеска околу 20 часот и 30 минути е гранатиран преминот Теткино во областа Глушково во областа Курск. Проектилите се испукани од украинска територија“, напиша на Телеграм гувернерот на Курската област, пренесува Танјуг.
Како што се наведува, Украина го гранатираше граничниот пункт во населбата Теткино и претходно, на 24 февруари, 29 март и 23 април, но и тогаш немало човечки жртви.
Сепак, гранатирањето на 23 април доведе до пожар во локалната канцеларија на руското земјоделско надзорно тело, додава ТАС С.